شاعر الصعيد
أيمن وهبة
afw
14/2
من كل عام
عيد الحب والمحبه والدفى
صافيه القلوب
متجمعين
وف إيدنا شجرة زيتون وحمامه بترفرف
هربت م البارود
وليه نقول حرام
؟
وليه نقول كلام
؟
وليه
؟
وليه
؟
نحاسب ونحسب ونتوه فى غابه
فيها ديابه
تنهش لحومنا
ليه حرام
؟
وهديتى
حبى وإحساساتى
كلمتين متزوقين
همس وحنين
أمانى متشعلقه بين ايديه
فى السما بين السحاب
ورود
ويا فروع الشجر
لكِ محوطين
دنيتى
فردوس وجنه ونهر صافى
عمر دافى
لما الدنيا تقول عوافى
ومنورين
السنين
فاتحه إيديها
وشمس بتعافر فى السما
تغسل قلوبنا
مهما دوبنا
ولاّ بقينا فى الأنين
الشمس جوات قلوبنا
ونفسها تكسر حواجز
وتمد الإيدين
هدية الحب لكِ أمنياتى
ومعاهم عمرى
هديتى
نبدأ ويا فرحة بكره
جاى
تشبع قلوبنا وياكِ إنت
يا حبيبتى
هديتى أديهالك
قمر مقسوم
عمرى وقلبى
ودنيتى
بين إيديك
حبى وحبك ساعة العصارى
دقهم فوق ببانى
وردتين
حب وحنين
طول السنين
فوق شفايفك
الخدود بيسكرونى
ويكسروا
فىّ العناد لما النجوم فى السما
تهوى البعاد
والسهاد يبقى دنيتى
و
حبر قلمى يكتبوكِ
بعشقك
شاعر الصعيد
أيمن وهبة
afw
ليست هناك تعليقات:
إرسال تعليق