أيمن وهبة
Afw
---
قـبـــــــــــر
قلم رصاص .... ريشه وحبر
حب مخلوط ومتشكل فى دنيا شعارها صبر
مكتوب ف الكتاب بريشه وحبر
خير محبه وقلوب بتتعذب وبتشرب المر
إبليس بيغوى البشر وفى طريق يسير
فى تيار ما فيهوش خير ولاّ
بر
أمد يدى وأسند أخويه
ليل و فجر
قبر
وموت
ميه وقوت
وحياتنا مباراه مقسومه شوط وشوط
ساعه ويوم وشهر
و
عمرنا بيفوت
مولود يموت
و
صمت راسيه شراعه واللى باعه
إنسان جبان موت
ولاّ مره رن جواه صوت
مفيش غير
السكوت
قبر وعجايب
أغراب حبايب
ماسك وسايب
حكيم يقرا الكتب ويقولوا عليه خايب
أعمى يفتّح و ميت يقوم
والصخر فى البحر
فوق ميه يفوت
الكل شايف وبيسمع الصوت
ولا حد خايف
قبر بابه م الحجر مصنوع
فيه واحد أسمه يسوع
وأم
تبكى بالدموع
صوت جوا القلوب م الألم مسموع
موت حنوط وسكوت
كلمه بتتحجْر
فى السما الرب
بيدبر
أفعى مليانه سم
بتتكبر
تفكر تحرق الدنيا بِسمها
وتتصبر
شمس ونجوم وكون حوالين بركان حب بيتفجر
---
نفسى أكون إنسان قوى ومش غلبان
واحد م البشر
يقول الحقيقه
و
أم تصرخ ابنى بيموت
كلمه بتخلص
وبتفوت
كلمه قالها الخشب
يصرخ وبالصوت
فضه وحديد
وشوك ملفوف ع الراس تاج من دهب
منديل وأكفان
وكتان
قبل يوم السبت
قبر فى الصخور منحوت
ورده بتموت
والقلم بيجف
الم بيخف دواء يشفى جروح
إنسان ممسوح
ومنه بلسم وريحان بيفوح
جروح وترياق
خل حراق
وحربه بتزعق تزغرد وعينها بتدمع
ميه ودم
وجندى ما عنده شىء يهم
الآم بتوجع فى قلب أم
خل حراق وفيه إنسان
هيكل راح مفلوق
وحيطانه مليانه شقوق
مين ها يفوق
؟؟؟
!!!
ابن بيموت والقبريتكلم
ويتألم
وبيضلم ع اللى جواه
وكأنه لقى مناه
شبع بعد جوع
وبين أحضانه بينام يسوع
إنسان إسمه يسوع والألم مالى الضلوع
ويخلع قلب أم
ولاّ يهم لا خال واقف جنبه ولاّ عم
جندى وماسك فى يده سيف
وبيقسم
هوا عليل على البشر بينسم
وسلطان بيسلم
سلاحه
ويرفع قلوعه ويرحل مهزوم جبان
قدام ملك السلام
أيمن وهبة
Afw
قلم رصاص .... ريشه وحبر
فضه وحديد
ليست هناك تعليقات:
إرسال تعليق