.jpg)
أيمن وهبة
Afw
---
موج الحياه
والحب والدفى
وياهم سفينه فارده قلوعها
للمينا
لحياه جديده
مليانه أمل
فيها سلام فيها كلام
يصرخ فى وش جلاد يدبح عيالنا
ماعندهوش اله وعن حياته لاه
فوق السفينه فيها عجايب
واللى سايب ايده
يغرق ويتوه فى الطريق
وعنيه تملاها
الدموع
والقلوع جوا ايدينا
من ساعات من سنين
رغم الأنين رغم التعب
و
هناك
بصيص أمل يقيد من بعيد
واقف ومستنى
يقودنا للطريق
ذى الصديق
ذى ضل ماشى معانا
جوانا
نايم ومالى سمانا
مغطينا بيحمينا
بيبتسم ويتقسم فوق شفايف الولاد
جوا عنيهم بين إيديهم
حب عاد
عشان يدفن ضحايا السلام
يمنع الكلام
يدفع عنّا ثمن
غالى
من جيبى ومالى
من حياة إنسان فقير
ولاّ وزير
كان ولاّ غفير
عمرنا يدوب يومين سنه ولا سنين
تسعه مقسومه علينا
اللى لينا واللىّ علينا
مسيرها تتحقق
أمانينا
والأمل يملا من تانى
عنينا
وتوصل سفينتا للمينا
والشر يرحل من حياتنا
وتشوفه عنينا
=========
أيمن وهبة
شاعر الصعيد
ليست هناك تعليقات:
إرسال تعليق