شاعر الصعيد
أيمن وهبة
Afw
---
فروعى لسه مخضّرا
ودموعى بتنزف
جرحى عليل
فروعى لسه مخضرّا
و
صوت بيضوى فى السما
جذورى أنا
بيقلعوها
ويبعوها
ويسمروها فى الصليب
أصبح غريب
صوت بيضوى
يصرخ يئن
وم الألم
فى الودان القاه يرن
فروعى ويا جذورى
مينا وتحتمس
أبيض وأسود والوان كتير
عبد وأسير
رافع راسه
و
كسير
ساقيه وفوق رقابنا بتدور
ضلمه ونور
أرض مزروعه
و
بور
أنقاض وطن
إنسان جبان
خايف
ل
يكلم
ف المشانق ويعلقّوه
بالإيدين ويكتفوه
ويصلبوه
لو بالكلام رموه
يدّوله
فرصه يقول
انه انسان لسه عايش
والمعايش
صعبه عليه
---
إنسان جبان
أرض مزروعه بالحبهان
و
الإبن
ع الأم هان
كان ياما كان
دايم وفان
---
أبيض وأسود وفيها غرايب
باب موارب
حب صادق حب كاذب
جبان محارب
!!!
جوا خرايب
و
حياتنا فيها غرايب
!!!
أبيض وأسود
وكمان حروف ملهاش معالم
ملهاش أساس
جوا قلوب الناس
كُفر وشعوذه وفيهم محبه
شال وعبىء
شجره طارحه والأصل حبه
أبيض وأسود
بيقيدوا رايه
نفس القلم
نفس الحكايه
فى الصخور وجوا التراب راسمه أسامى
لكن حزينه
؟؟؟
فروعى لونها أخضر
شمس بتضلل علينا
بتحمينا
جوا ليالى
م الجنوب لسينا
طول ما الإله راعينا
بكره ها يبقى لينا
---
شاعر الصعيد
أيمن وهبة
Afw
ليست هناك تعليقات:
إرسال تعليق