عجين ويشكلوك/أيمن وهبة شاعر الصعيدafw
كتبهاbshara2011 ، في 18 يوليو 2011 الساعة: 05:55 ص
شاعر الصعيد
أيمن وهبة
Afw
— —
عجين ويشكلوك
—
ها نطيروك
ونغيروك
ونلوّن
كل شى فيك
لو
معانا تبقى معانا
ختم لازم
يبقى لازم
تبقى حازم
فى المعامله
والكلام
تبقى تمام
ع العموم
والسموم
تشرب معانا
لو قليّل او
كتير
تبقى أمير
والختم لازم
يختموك
يرسموك
ذى
العجين ويشكلوك
وبإيدهم يختموك
ويلونوك
تردد ورانا
وتبقى معانا
وفى طريقنا
ها نشوفوك
ها نغيروك
والمعالم
واللى عالم
بالضمير
تبقى أمير
تبقى وتبقى
تبقى كبير
لو تنافق
لو تخطى جوه طريقنا
للأمام تبقى
إمام
ها نصدوقك
لو
تردد الكلام
والسلام
ولا تاخد وتدى
وتسأل سؤال
يتعّب يحّير
والإجابه
م النهايه مش تمام
لو
تمام
تسكت وتخرس
وما تقولش حاجه
سلم حياتك
ذى تور
مربوط فى ساقيه
تاكل وتشرب
وتربى العيال
وتريح نافوخنا
من قلنا وقال
—
كلام منّزل
بيت ولا منزل
ملهوش محال
غير
إنك وإنك
تسأل سؤال
— —
ها
نلونوك ونغيروك
وها نرسم
كل لون ويا لون
الكدب لون
والتساهل
يبقى ساهل
ها نعلموك
تبقى حوت
ولا طير
وجناحاتك
ها نقصهالك
وها تبقى هالك
لو تسال سؤال
لو معانا تبقى أمير
ولا غفير
تبقى كبير
واللجنه لازم
تبقى نصيبك
لو
يصيبك الحظ معانا
تبقى حوت
ونغيروك
ونلوّن كل شىء
م الصغّير للكبّير
والحاله تبقى يدوب
للعيال
والشغل والأوامر
إنت ناهى
وإنت امر
لو تقول
ولا
تشهد
كلمتين
ذى طير
محبّوس
يصاصى
تبقى عاصى
والمعاصى
تملا الكتاف
لو تعارض أى شىء
لو
تقول
أو
تشهد
وتنهى الحكايه
ذى شكة
إبره
فى البدايه
أو
دبوس صغّير
مش يحير
إنك تسّلم
تبقى تمام
تبقى معلم
للأمام
بسرعه
ها توصل للنهايه
وتبقى
بختمك
أو
برسّمك
تبقى علامه
فقيه وايه
وتفتى فتاوى
تحكى حكاوى
م الصبح بدرى
وللنهايه
— —
شاعر الصعيد
أيمن وهبة
Afw
ليست هناك تعليقات:
إرسال تعليق