وطن للبيع
----------
تسهيل فى السداد
والدفع
----------
تيجى نقسّمها
عشان يرتاحوا
ها نقسمها
ونغير فيها الأسامى
والمعانى
ونغير فيها
كل شىء
أبيض جميل
بلون اسود
ونرسمها
------
ها نقسمها
ماضـــى و حاضــــــر
صدق ونفاق
وشعارنا
الأمانه والخيانة
عملة واحدة نرسمها
تكسب لو معانا
وماشى فى طريقنا
تبقى حبيبنا
وحملك فوق كتافك
ها نشيله معاك
لو معاك
تبقى حبيبنا
------
رافع للسما راسى
ماشى بتعكز
وزمان صار فيه العبد
يرعانى
ومادد إيده يسندنى
اذاى نعيش
بعد ما
غطى التعب
أبدانى
و اتحول
الحق لسجانى
وما عرفتش أنا أقسم
اذاى ها نقسمها
=====
تيجى نقسم
كل شبر
وكل دار
يبقى عار
لما الولاد
يتفرقوا
اذاى نقسّمها
نشترى ولا نبيع
ملوك
ولا عبيد
دم واحد من البداية
لو تبيع
ممكن نقسّمها
---------
نزيح ستار
ع المعانى
عن أمانى
جوة قلوب
اتحجرت
عن كلام
جاى يرفرف
جاى يطير
ممكن نبيع
او نقسم
قلوب متلونة
أم
فوق فراش الموت
---------
ممكن نبيع
ولادنا
فى النهاية
عشان نعيش !
عشان مفيش!
زاد جوة قلوب
جوة نفوس
جوة إيدين
ماسكة بارود
يمكن نعيد حقنا
لو نبيع
طب نبيع
ولا نشترى؟
ايه ولا ايه ؟
ايه هيتحول
مين نبيع
من ولادنا ؟
بنتى
ولا إبنى
فى الأول
أمى ولا أخويا
يتسول
ع الببان
وتوب الملوك
بسرعة يتحول
نعيش جوة طريقهم
ونتحول
نور ولا ضلمة
تيجى
فى الأول
زمان
لما السلام والرحمة
كان الشعار
ورق التاريخ
نار بتقيد جوة دار
مش ممكن يتحكى
لإبنى
أو لبنتى
يبقى عار
ع الرحمة والسلام
والكلام المزوء(المزوق)
من زمان
نبيع ولا نقسم؟
ولا ايه
يا ناس قولولنا نعمل ايه؟
نقول كلام
ولا نتحول
للنفاق والوفاق
وقلوبنا تتحول
بلون
السكات
يمكن ناخد حقنا
نردد كلام
والسلام
ملهوش
جوه العقول معنى
من زمان
جوة تاريخ
مليان زيف وكدب
متحول
ديابة
فى توب حملان
بيقولوا
نقسمها
توب ولا طرحه
نقسمها
او شىء يغطى بدنها
------
نقسمها
عار ع الولاد
بعد الممات
الأم نقسمها
بعد اللى فات
اذاى
بإيدينا نقسمها
-------
شاعر الصعيد
ايمن وهبة
afw
مدونة اللى يعيش ياما يشوفhttp://bshara2011.maktoobblog.com
ليست هناك تعليقات:
إرسال تعليق