أيمن وهبة
Afw
الكدب ما يصحش
+
خايف الصبح الاقى
أنا مش أنا
وكمان فى الشارع بنادى
انا اللمبى و...أنا إنسان مش عادى
خايف أصحى الاقى
ان أخويه ويا أختى عاشوا حياتهم
ونسيوا إنهم أخوات
وضمير الإنسانيه عدى ومات
وأصبحنا بنشابه المخلوقات
فى كل شىء
ونسينا ان إحنا بنينا أهرامات
أخويه ويا أختى
والعيال فى البيت تكاكى
خايف لبكره ييجى ما نلاقيش
غير طابور العيش
والزحمه وأمراض فينا تنهش
والحب يموت ولا يمكن يعيش
جوا
تراب أرضى والساقيه بتزعق وتروى
جوع وعطش من سنين
خايف يا دنيا ما بقاش أنا مصرى
لا جاهل ولاّ عصرى
ولا أمى كمان ولا ابنى و أحفادى
بس ما يهمش
طنش
أهم القول إنك ما تكدبش
وما تعبش
وما تشوفش كل حاجه على هواك
لو التاريخ ينساك
أنت عارف إن
أبوك بروحه فداك
تبقى بلاش تكدب
بلاش تنافق
بلاش من تانى تبنى حيطان جنه فى خيالك
ولاّ فى بالك
والكدب مايصحش
+++
أيمن وهبة
Afw
ليست هناك تعليقات:
إرسال تعليق