أيمن وهبة
Afw
---
الدنيا مدرسه
من مذكراتى
1996
+++
الدنيا مدرسه
وإحنا بنتعلم
كبار ويا صغار ومنها نتعلم
ناخد دروس ونتعلم
ومنها نتألم
+ + +
نعرف الصح والعيب ما نتعلم
نسمع كلام نسمع علام وقلوبنا بتتألم
نقاسى كتير ونتألم
نشوف الصعاب
نشوف الضباب
فى طريقنا عشان منها نتعلم
+++
الدنيا مدرسه وإحنا بنتعلم
وصايا بنسمعها من أمى ومن أبويا
أو من أى متعلم
إسمع كلام الكبير عشان خبير ومن الدنيا متعلم
يكشر ويشيل الهموم
وحياته
ماليها الغيوم
قاعد مكانك ولاّ تقوم
+++
إتعلم يجيب العيال
عيل ورا التانى ومعاهم دستة بنات
تتوه الأسامى فى وسط المعانى
والبيت لدوشه يتحول
عيل بيبكى والتانى بيشكى
والبنات عايزين كسوه يا خال
الإيدين ماهيش طايله والراس ماهيش شايله
مشاكل مشاكل
العيال م المدرسه هاربين
و
أحلام تخنقها السنين
بنات وكمان بنين
يملاهم أنين
+++
و
يكبروا ويشيلوا الهموم
واحد ينحرف ويبات التانى ع الرصيف
لا يفرق معاهم شتا ولاّ صيف
نايم فى بيته ولاّ ضيف
الدنيا علمتنا وياريتها رحمتنا
وفى أخر المشوار
يعيشوا محرومين
والذل مالى العنين
الدنيا مدرسه وإحنا منها بنتعلم
+++
أيمن وهبة
ليست هناك تعليقات:
إرسال تعليق