نكت مصرية

 

مساء الحوسة

والمذاكرة المنحوسة

والدماغ الملحوسة

ويارب ينجحنا ولو بالكوسة

بدأ حصريا على قناة ( احنا مش نافعين )

الفيلم المرعب (الامتحانات )

الحائز عل جائزة ( كله كلام فارغ )

لتعذيب الطلاب

بطولة عدد كبير من الدكاترة

ما معنى كلمة امتحان ؟؟؟

أ : أيام نكد وعذاب

م : مخ من المذاكره داب

ت : تعب وزهق واللى يقول غيره كده كداب

ح : حاله نفسية هباب

ن : نرفزه وملل من الكتاب

تعريف الطالب الجامعى !!!

هو كائن نصف حى

شبه ميت

مطحون دراسيا

مخنوق يوميا

مقهور منهجيا

ومن كتر الضغط أصبح غبيا

وبعد النتيجة

إتهبل رسميا

قمه الهدوء :

انك تقرا كتاب انت مش فاهمه

قمه الهبل :

انك تقلب الصفحة

قمه التناحه :

انك تمتحن فيه

قمه النفاق :

انك تدعى للدكتور اللى كاتبه

حاسس بدماغى بتاكلنى

قاعد فى اللجنه باهلفط

والورق عمال يتشخبط

والأستاذ اللى ورايا قدامى

والاجابة على طرف لسانى

اجي اجاوب بتلخبط

والولد اللى ورايا بيغنى

واللى جنبى بيغش منى

والبنات تلطم وتصوت

مثلما قال المطرب الكبير

انا مهما ذاكرت هبرشم

انا مهما ذاكرت هشيل

مش ممكن يوم اتغير

ولا عمرى هجيب تقدير

نحن قوم لا تهزنا رياح عاتية

ولكن تهزنا ورقة فيها

أجب عن الأسئلة الآتيه

عروض الامتحانات رهيبة السنه دى .... (ليه تشيل ماده !! لما ممكن تشيل مادتين شيل واحده

 وخد التانيه هديه) ( ليه تشيل لوحدك !! شيل انت وصحابك مع نظام افشل ناس اختار ثلاثه

من اصحابك يشيلوا معاك)

بمنسابة الإمتحانات

نتمنى لكم

غش مستور

وبرشام منصور

ومراقب طرطور

واحد بيقول لصاحبة دخلت امبارح على مراتى لقيت معاها راجل.. 

صاحبة قاله وعملت ايه ؟ قاله دخلت المطبخ وجبت السكينة ..... 

وشقيت لمونة وعملت عصير علشان اهدى اعصابى ..

قاله ومعملتش حاجة للراجل .. قاله وانا مالى ما يقوم يعمل نفسه

مرة ,واحد عصبى كان بيتكلم مع مراته قال لها انا هقول لك موضوع حصل معاى بس انتى

 مش هتصدقينى وهتقولى على كداب بس انا مش كداب انتى الكدابة واهلك كدابين روحى وانتى طالق

واحد قاعد مع خطيبته النور قطع قالتله خد فرصتك........سرق شنتطها وجري

واحد سأل وحده !!!! اديكى حتة شوكولاتة و اقعد على الكرسي جنبك ؟قالت له : طيب.....

!راح قالها: اديكى علبة شوكولاتة......... و اقرب اكتر؟قالت له : طيب....!راح قالها تانى: طيب ايه رأيك....... اجيبلك كنافه........ واحط ايدي على كتفك؟قالت له: شكلك حتجيبلي السكر قبل ما تبوسني

واحد غبي نايم جمب مراته فبتقوله بردانه 

قالها اتغطي كويس 

قالتله ياراجل لسه بردانه 

قالها اتغطي كويس اوي 

قالتله يا راجل بقولك بردانه 

قالها اتغطي كويس اوي اوي 

قالتله انا لما كنت عند ماما كنت اقولها بردانه كانت بتحضني 

قالها ده الي ناقص اجيب امك تنام في وسطينا 

مرة واحد مسطول بيلعب كورة اخد الكورة على صدرة طلعها من منخيرة

ضابط المرور بيحقق فى حادث… سأل الاول ..

فرد .. يا بية انا اديتة كلاكس .. واديتة انوار وصرخت فية علشان

يبعد ومفيش فايد سأل التانى .

…… فرد … يابية انا اعمل اية ، انا قاعد فى الكشك بتاعى

مسطول لابس جزمة ، فردة بيضة والتانية سوده قابله مسطول تانى ….

وقاله: “ايه ياواد الجزمه الشيك دي. راح المسطول الاولاني حط رجل علي رجل

وقاله: وشرفك إنت.. عندي جوز جزم تاني فى البيت شبهه بالظبت

جماعة مساطيل بيتفرجوا على الاخبار …. فنشرة الاخبار طولت

الاولانى قال للتانى :هى لية نشرة الاخبار طولت النهارد كدة؟ فراح التانى رد علية

وقال معلش اصل شكلها كدة النهاردة اخر حلقة

مرة واحد محشش اتصل على بيت قال محمد موجود قالوا الرقم غلط قالهم… طيب بتردوا ليه

مرة واحد مسطول قال لواحد مسطول تانى هو العمود ده منور قاله معرفش أصلى مش من المنطقة

مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي

فقال له السكران طيب ماتيجي تقعد معايا شوية

مره كان في اتنين مساطيل قاعدين بيحششوا فا واحد بيقول للتاني انا شايفك اتنين فالتاني ب

يقولوا لا انا الي شايفك تلاته فقالوا الاول لا انا الي شايفك اتنين

المهم قالوا خلاص احنا نروح لشيخ المساطيل فقال خلاص نروح لشيخ المساطيل

فراحوا وعرضوا عليه المشكله. فقالهم خلاص اصحاب المشكله يقعدوا على جنب

والباقي ده كولوا يروح

 قالت البنت بابا في شاب ابن ناس ومافيهوش ولا عيب عايز يجي يخطبني طبعآ وافق الاب

جه الشاب وقعد مع الاب وكان في فمه لبانه قاله الاب انت عجبتني قوى وما فيكش ولا

عيب بس هل دى مناسبه تمضغ فيها لبانه؟ قاله بس ياعمي ضرورية بعد السيجارة قاله

 هو أنت بتدخن؟ قاله على خفيف مع كاس الويسكي قاله وبتشرب كمان قاله احيانآ لما بلعب

 قمار قاله فين بقى بتلعب القمار؟

قاله فى الكباريه قاله ومن امتآ بتروح على الكباريهات؟ قاله من وقت ما طلعت من االسجن

 قاله وليه دخلت السجن؟

قاله ضربت واحد بالسكينة ومات

قلو وليه موِتته؟ قاله لاني طلبت ايد بنته وما وافقش قاله الاب على بركة الله يللا نقرا الفاتحة....... 

 واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص

 القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح

 يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله :

يا حبيبي إنت مت ؟ قام الكتكوت وقال له : يخرب بيتك بوظت الكمين.

نكت صعايدة 

  ياعوضين بنتك ماتت قام الصعيدى وبسرعة رمى نفسه من الطابق العاشر لما وصل الطابق

 الثامن تذكر انه ما عندوش بنت لما وصل السادس تذكر انه مش متجوز لما وصل للرابع تذكر

 انه مش عوضين ولكنه حسنين لما وقع عالارض ماحصلش حاجة

  صعيدي بالغلط دخل متحف للفن الحديث توقف عند احدى اللوحات وسأل أحد المنظمين جنبه

ايه الشكل المرعب ده، هو ده الفن اللي بتسموه حديث؟ رد المنظم : دى مراية يا أستاذ

مره صعيدي شاف مامته مولعه قالها منوره يا حجه

مرة صعيدي قصير جدا جدا وقف امام القاضي /القاضي امره انو يقول ولله العظيم اقول الحق

 قال له اسمك ايه قال له نخلة راح قال له احنا حنكدب من اولها .

مرة مدرس انجليزى بيقول لصعيدى دخل كلمه dog فى كلمه قالو dog يا مزيكا .

مره جماعه صعايده سمعو ان امريكا هتضرب اماكن حساسه فى مصر اشترو كالسونات حديد

واحد صعيدي راح ل فيفى عبده قالها انا عاوزك ترقصيلى ف فرحى قالتله اسفه بجد انا مشغوله

 اوى رجل ف القاهرده ورجل ف الاسكندريه قالها يا رتنى كنت ف طنطا

مرة واحد صعيدي ابو مات دفن امه

مره صعيدي بخيل نام حلم انو بيوزع فلوس صحي ابقي ابن جزمه لو نمت تاني

صعيدي لغا موعده مع الدكتور عشان مريض

واحد صعيدي سالته مذيعة بتقولو فرايك قد ايه نسبة البطالة فالصعيد؟ قالها : حضرتك الصعيد

 كلها ابطال
بروفيسور صعيدي اخذ معاه سباك عالكلية علشان يعرف من فين بتتسرب اسئلة الامتحانات

تحطمت طائرة صغيرة تتسع لراكبين فقط فوق احد المقابر بالصعيد اخوانا الصعايدة انتشلوا

 500 جثة وما زال الحفر مستمراً
صعيدي متعلم حب يفتح حساب في البنك سافر للقاهرة عشان يملا الاستمارة لانه شاف مكتوب عليها
(fill up in capital) .

اتنين صعايده قال واحد تصدق بالي مشغول قال الثاني أكيد السماعة مرفوعة .

صعيدى فى الجيش واقف تشريفة و فيه ضيف كبير جاى يزور الوحدة فالقائد بيديلهم التعليمات الأخيرة
القائد : أول الضيف ما يدخل تضربوا 21 طلقة تحية للضيف
الصعيدى : و لو الضيف مات من أول طلقة نكمل برضه ؟؟!!

ليه الصعيدى لما بينام بيحط منبهين جانبه
علشان لما منبه يضرب التانى يحوش

واحد صعيدي سمع عن الموبايل قال لأبوه عايزك تشتريلي موبايل يابوي..
أشتريلك بشرط .. انك تركب اخواتك معاك !!!

في واحد عايز ينتحر رمى نفسه قدام عربيه زعق عليه صاحب العربيه بتعمل كدا ليه رد عليه

 عايز انتحر قال طيب ماتطلع اي عماره وتنط قال ياسلاااام عايزني امووت

ثلاثة حكموا عليهم بالإعدام معاهم واحد صعيدي ، قالوا للأول عايز المنشار الكهربائي أو شنق ،

 قال: المنشار الكهربائي ، جابوه عند المنشار الكهربائي مشتغلش ، قالوا : حظك روح وأطلقوا

سراحه ، جابوا الثاني قالوا : المنشار الكهربائي أو الشنق ، قال : المنشار الكهربائي ، جابوه

عند المنشار الكهربائي برضو مشتغلش ، قالوا : حظلك روح وأطلقوا سراحه جابوا الصعيدي

، قالوا : المنشار الكهربائي أو الشنق، قال : شنق والناس وأقربائه يذعقو : المنشار ، المنشار

 ، المنشار قالهم بايظ مايشتغلش

صعيدي دخل مسابقة من يكسب المليون سئله جورج قرداحي سؤال كان صعب شويه قام

 قاله ممكن اتصل بصديق اتصل بصحبه وقاله ياحسنين ايه رايك احسن احزف اجابتين ولا اخد

 رأي الجمهور

مره واحد أسكندرانى ماشى على البحر لقى جماعة صعايده بيهتفوا ،هريدى يابطل-- هريدى

 يا بطل، ولما سأل عن السبب أجابوا: أحسن واحد عندكم يقدر يغطس قد أيه، فقالهم: حوالى

 ثلاث دقائق، فقالوا هريدى غطس من ثلاث أيام و لسه مطلعش

صعيدي طرده المدير من المدرسة .. جاء ابو ه وقال للمدير : ليش طردت ولدي من المدرسة ؟

 قال المدير : ولدك غبي جداً .. وعشان أثبتلك : يا ولد روح دور عليه راح الولد ثم رجع

قال : ما لقيتك ... قال المدير : شفت !فقال الأب للولد : رح دور كويس يمكن تلاقيه

واحد معدى لقى ناس بتهيص قوى قالوهم فية اية.. قالوله فى واحد بلدياتناعايز ينط من

 سطح العمارة..هم خلاص انا طالعلة... طلعلة وقاله عايز تنتحر لية... بلدياتنا قاله اصل انا

 غبى وكل الناس بتقول علي غبى .. راح الراجل قايله هاقولك فزوره لو حلتها ماتبقاش

غبى .. حاجة اسمها زى شكلها .. بلدياتنا : ماخبرش .. الراجل:البيضة اقولك واحدة تانية

 .. حاجتين اسمهم زى شكلهم .. بلدياتنا :ماخبرش .. الراجل: بيضتين اقولك واحدة تانية

 بسيطه و سهله .. حاجة كبيرة وسودة وبتجيب لبن واسمها جموسة .. بلدياتنا 3 بيضات

واحد صعيدي وواحد امريكي وواحد ياباني تايهين في الصحراء بقالهم ثلاثة ايام وفجأة ظهرلهم

 الجني وقال كل واحد فيكم ليه طلب واحد بس
الامريكي قال عايز اروح بلدي ونفذله الجني طلبه
الياباني قال عايز اروح بلدي ونفذله الجني طلبه
راح الصعيدي قاله واه هما سبوني لوحدي هاتهم لي تاني

واحد صعيدي مكلف بتفجير نفسه بين الاسرائيليين راح عمل بروفة بين أهله قبلها بيوم .

غضب الصعايدة من النكت التي تقال عليهم و لإثبات مدى ذكائهم تقرر عمل اختبار ذكاء

 لهم فتم اختيار 3 منهم و كانوا من أذكيائهم
وكان السؤال الأول هو : ما هو الشئ الذى نلبسه في القدم و لونه أسود
فأجاب الأول الجذمة
السؤال الثانى ما هو الشئ الذى نلبسه في القدم و لونه بني
فأجاب الثاني الجذمة
السؤال الثالث ماهو الشئ الأبيض المستدير الذي نأخذه من الدجاج
فأجاب الثالث هل هو برباط
فقيل لا
فقال إذا هي الشبشب

مرة صعيدى عايز يعمل تجربة على ضفدعة فقطع رجل وقال لها نطى فنطت قكتب الضفدعة

بتلات رجول تنط وقطع كمان رجل وقال لها نطى فنطت فكتب الضفدعة برجلين تنط فقطع كمان

رجل وقال لها نطى فنتط فكتب الضفدعة برجل واحدة تنط وقع الرجل الاخيرة وقال لها نطى

فما نتط نطى فما نتط فكتب الضفدعة بدون رجول تفقد حاسة السمع

غضب الصعايدة من كثرة النكت عن الصعايدة فقرروا عمل برنامج تليفزيونى يستضيف

أحد الصعايدة الأذكياء و يسئله أمام الجمهور حتى يتضح زكاء الصعايده
فى اليوم التالى على الهواء
المذيع : 2 + 3 تساوى كام
الصعيدى الذكى بعد تفكير عميق ..: 8 ؟
المذيع بصوت منخفض : لا ليست 8 !
الجمهور فى نفس واحد : إديله فرصة تانية .. إديله فرصة تانية
المذيع : ماشى .. ياريت توقوللى 2+3 تساوى كام ؟
الصعيدى الذكى بعد تفكير عميق : 4 ؟
المذيع بصوت منخفض : لا ليست 4 !
الجمهور فى نفس واحد : إديله فرصة تانية .. إديله فرصة تانية
المذيع : ماشى.. بس دى آخر مرة .. ياريت توقوللى 2+3 تساوى كام ؟
الصعيدى الذكى بعد تفكير عميق : 5 ؟
الجمهور فى نفس واحد : إديله فرصة تانية .. إديله فرصة تانية

سئلوا صعيدى : ليه جتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة

مرة واحد بلديات بيقول لواحد تاني و هو بيجري عليه بسرعة:الحق اخوك عواد غرقان في دمه ،

 آم اخينا ده قاله ماتخافش ما هو بيعرف يعوم

مرة واحد صعيدي ماشي في الشارع ومعاه شوية مسامير فوقع منه واحد قعد يندهله و يقوله

تعالى و مفيش فايده آخر ما زهق رما شوية مسامير و قالهم هاتوه

مرة ثلاتة بلدياتنا راحوا يسرقوا بنك ..... واحد دخل يسرق و التانى وقف يراقب و التالت

 راح يبلغ الشرطة ..

صعيدي واقف مع دوده في الشمس ليه؟؟؟؟الطبيب قال له اعد في الشمس دقائق معدوده

مجموعة صعايدة عملوا عصابه و قرروا يسرقوا بنك
زعيم العصابه : محمدين يدخل البنك و يستخبى فى دورة المياه لحد ما البنك يقفل .. و

 بعدين يشيل الجريليه بتاعت التكييف
بعد كده نخش كلنا من فتحة التكييف و نكسر الخزنه و ناخد الفلوس
لما نطلع من البنك حنلاقى الحارس نروح جتلينه و نهرب بالفلوس .. فاهمين يا رجاله
العصابه : فاهمين يا رييس
المهم جت ساعة الصفر و فعلا راح محمدين البنك و استخبى فى دورة المياه
و فتح لهم .. و دخلوا .. و فتحوا الخزنه .. و لما خرجوا من البنك ملاقوش الحارس ..

 فضلوا يستنوه ساعة .. ساعتين لكن الحارس ماجاش
رئيس العصابه : مافيش فايدة يا رجالة يلا نرجع الفلوس الخزنه الخطة فشلت