عصايه للمعجزات /أيمن وهبة
شاعر الصعيد
أيمن وهبة
afw
—
نفسى
أكتب للصغار
وأملا قلوبهم
بالأمانى
والدفا جاى تانى
—
نفسى
أقدم يوم جديد
بالسعاده
نفسى
أرسم
ل
كل
طفل وكل طفله
يوم جديد
بسمه
فوق شفايف
ضحكه
جوه القلوب التعبانين
—
نفسى
أكتب فى الأغانى
بالأمانى والأمل
إن الحمام
واليمام
جاى يرفرف
جوه عشه
بس
ناس كتير
عذبوه
سلموه
للمهانه للإهانه
مات الضمير
—
نفسى
أكون
ورده ع الخدود
نفسى
أرسم للصغار
صوره
زرع أخضر
ورده
قدامى بتكبر
والمراكب
راسية فى البحور
نفسى
أثور للغلابه
نفسى
أكون
نور
و
نار
بتاكل كل
شر
نار بتحرق
كل إيد
ممدوده
للدمار
ظلم واقف
ع الببان
نفسى
أكون ريح قويه
او سكون
نار
تقيد تنور
ذى دار
فوق الصخور
نور
و
نار
للمراكب
نفسى أكون
للسلام
تمثال محبه
للمحبه للصفا والدفا
جوه قلوب نايمه بتحلم
باللى جاى
—
نفسى
أكون
صاحب عصايه
للعجايب
والمعجزات
الوقت فات
ولا السكات
خلى القلوب
مصدقه
إن خير الدنيا مات
وإندفن
نفسى
أرسم صوره لأمى
والسلام
—
نفسى
أكون
موجه تزعق فى الشرور
والغرور
والنفاق اللى فاق
كل الحدود
—
نفسى أرسم
الدفا
جوه عنين الصغار
وأمسك إيديهم
م الخطر
من
عقول
بتحرق
كل أمل
تغرس
سموم
تغرس هموم ويا خوف
م اللى جاى
م اللى كان
—
شاعر الصعيد
أيمن وهبة
afw
ليست هناك تعليقات:
إرسال تعليق