شاعر الصعيد
أيمن وهبة
Afw
اه من قلب أم
عفوكى امى لسُت أنت من أرميه بهذه السهام
باقى فى قلب أمه شوية آهات
ليكى يا أمه
مولود صغيرّ لسه بيحبى
مستخبى
جوا صفحه
من كتاب الذكريات
كون مخاصم
وراسم نهايه ملهاش بدايه
حياه وبسمه وأمل
هلال ونجم فى سمانا إكتمل
ملل
من يوم جاى تعبان
بيهاودنا ويساعدنا
بس معادينا
واخد كل اللى لينا
ظلم أم
ربى ما يرضهوش
ما يغيروش
قدر
جاى علينا وإنتصر
فوق عتاب بيوتنا انتحر
لما يغدر
ولما ياخد قلب كان برىء
كان فى يوم جرىء
جوا موج غريق
دنيا مقسومه فريق بيحارب فريق
بيمد إيده ذى الصديق
وبيشعل حريق
ظلم أم بتتلون
وتتكون
وبتدور تقتل ولادها
واللى عابها
قلب أم
قلب متكّون من إحساس ودم
إتحول لسم
كتاب مكتوب وتم
لا خال بيتكلم ولا حتى عمّ
بتقّسم دُعاها وفيها تفِن
وفاتحه كيسها ومن جيب ولادها تِمن
ولما تسكت ذى تعبان يكنّ
وجرس فوق راسها
يرن
والقلب ما عمره يحْن
وتفرح لما الولاد جروحهم
تنزف تئن
اه من قلب أم
قوانين تسن
لما تظلم باسم أم
لا خال نافع ولا حتى عم
أرحام
محبه
وحنان ودم
تنِكر تدوس دود وسوس
ينخر عِظامنا واللى جابنا
واللى عابنا
إن إحنا
بشر
إنسان مليان ذنوب
بس يادوب
يقدر يعيش وقلبه يئن
يا دوب مفيش سد
وله نعدّ
أه من قلب أم
عفوكى امى لست أنت من أرميه بهذه السهام
شاعر الصعيد
أيمن وهبة
Afw
ليست هناك تعليقات:
إرسال تعليق