مسمار فى ايدي/أيمن وهبةafw
شاعر الصعيد
أيمن وهبة
Afw
— —
مهما تدقوا فى ايدى مسامير
مهما تجّرح
ولا تعادى
ولا ها ترسم حربه وشوك
قلبى مسامح
وأنت الجارح
لما
الشوك اصبح مغروس
جوه كتافى
دمى بينزف
يملا بحور
مهما تجور
انت اخويه ف البشريه
—
شمس إمبارح
غابت
دابت ذى الشمعه
نار تحرقنا
تحرق كل ولادى
عادى
لما تكون مهموم
عمر عينيك ما ها تشبع نوم
عمر وولى
خاطيه و تابت
رجعت
دابت
ذى الشمعه
دمعه و نزلت
وانهار جريت
جوه العين
— —
مهما تدقوا فى ايدى مسامير
مش ها نسير
ولا نصير حبة ملح
فى أرض غريبه
وحبة فضه
وشجره فى غيط
تبقى عبيط
لما تصدق كل كلامه
عقل وراكنه
وغايب عنه
م التفكير
ملهوش قيمه
اصبح مركون
مهما نكون
غلطه وتايب
ربى عليها
تنهى حياتنا
انت تسامح
لما أجيلك
ذنب وشهوه
ماليه حياتى
— —
مهما يدقوا فى ايدى مسامير
مش هانسير
جوه طريقهم
ولا يوم
راح
نبقى عبد وسيد
ايوه اكيد
مهما الدايره تدور
مهما الموجه تثور
ضلمه ولازم ييجى النور
—
جهل ماليهم
شمس وغابت
من حواليهم
جوه حياتهم
يبقى ضباب
ع البشريه ع الاحباب
جوه طريقهم يبقى هباب
راجع تانى
راجع بينا
وبليالينا
تبقى حزينه
واحنا معاهم
ضلمه وقادت
جوه سماهم
وهّم ماليهم
حدا (حدأه)
وسكنت جوه الراس
يبقى خلاص
— —
مهما يدقوا الحربه
وشوك ف الراس
فى الكراس
كلمه اتقالت
بقالها زمان
كنا وكان
أبيض إسود
بالالوان
عقل وتاه
لما نسير وياهم
جوه سماهم
قسوتهم
ماليه العين
ماليه قلوبهم و فى اياديهم
تطلع مين
انت أمين
لما تكون لإلهك
وتسلمله حياتك
صخره
وتبنى
وتأسسها معاه
تبقى امين
—
شاعر الصعيد
أيمن وهبة
afw
ليست هناك تعليقات:
إرسال تعليق