عيد وأيام حلوه /أيمن وهبة
كتبهاbshara2011 ، في 30 أغسطس 2011 الساعة: 22:49 م
شاعر الصعيد
أيمن وهبة
Afw
—
عيد وأيام حلوه
بتــــــّهل
ماليه حياتنا
جايه للكل
جايه تعانق
مسلم ويا مسيحى
يرسمونا ع الورق
صليب
حاضن
هلال
مينا وجرجس
ولا
بلال
و
يزرعوا بّينا
العّداوه
ويقسمّونا
وكمان حبة ورق
ويرسمونا
نسّونا
أصلنا
ادم
ويا حوا
أرض وعرق
حبة
محبه
ويا ايدين
يتمدوا ويرجّعونا
— — —
لو
دينا يرفض
انى اكون
عاشق او مسامح
وامد
ايدى بالمحبه
ما يكونش دين
—
ليه
بيقسّمونا ويرسمونا
بحبر أسود
ويلونونا
فرقوّنا وغرقوّنا
فى ضلمه
من
سنين
رمونا جوا حياتهم
وف انين
مين
ها يمد ايده
ولا مين
—
مسلم ولا مسيحي
ليه بيفرقوّنا
ويقسمونا فرقتين
أبيض وإسود
ويشكلونا
ار ض جدى
ارض ابونا
—
الرمل
و
الأرض والميه والجذور
والبذور
مصرى أصيل
وتاريخ طويل
بيحكى عنى
وعن كل جيل
لما
فى طريقنا يرجعّونا
مسلم بيفرح
جوه
بيته
ويقول يا رب
ومسيحى
نايم فى حض المحبه
ويقول يا رب
—
أيام حلوه
وعيد
ادعى ويانا
من تانى تعيد
توب جديد
وقلوب بتتلون
بالمحبه
ويا
يوم فرحان سعيد
—
واقفين
نصلى
وفاتحين ايدينا
فى يوم جديد
—
لو
دينا يرفض انى اكون
عاشق او مسامح
ولاّ سامع للصلاه
لا
عمره فى يوم
يبقى دين
—
عيد وايام حلوه بتهل
ماليه حياتنا
جايه للكل
والسما
بلونها الأزرق
والدفا
والحنان بيغطى ع
الكل
عيد وهلّ
والشمس
باعته نورها
ع
البشر
مسلم مسيحى
مهما يكون
وغيرهم
فى الانسانيه
قلب
مليان محبه
شايفاها العيون
اكون
بحب جاري تبقى ناره
هى ناري
و
الفرحه نقسمها
سوا
لما الدوا
فوق اللسان كلمه
طيبه
وصوتى يلاقى الصدا
من كل الجيران
فرحه
جوه عيد
ويا
ايدين مرفوعه
بالمحبه والهدايه
ولكل
شىء عند ربى
آيه
قول امين
ولو دينا يرفض
عمرة ما يبقى دين
—
شاعر الصعيد
أيمن وهبة
Afw
ليست هناك تعليقات:
إرسال تعليق