عدّ واحد اتنين تلاته
شاعر الصعيد
أيمن وهبة
Afw
فى
أول الأبجديه
واللغات الدنيويه
وفى
أرقام الحساب
ماسِك ولا ساب — نافع ولا ّ خاب
عِد ّ
واحد اتنين تلاته
واحد
هو ربى
درس سهل جداً
واللى قلبه خالص للإله
يعد واحد
اتنين
تلاته
و
يسأل سؤال ؟
عن معنى الكلام
دمك
هو دمى وأسمك ويا رسمك
واحد م البدايه
صوره مقلوبه قدام عنينا
ولما نعِدلها نلاقى المعانى
ماليه الحروف
وكتاب جوه قلبى وكمان الوف
فوق الرفوف
نغنى بفرح ودفوف
أموت وأرتعش م الخوف
ع
اللى ما بيعرفش
القلم والألم والسطور
يا دى الكسوف
تاريخ وحاضر قولى حاضر
لو تشك
والخط ممكن تفك
لو تحاضر
ولما تيجى الاقى أسمى فيه علامه
م الملامه
والكسوف
بالسلامه عليّه ناديت
غرقان فى شط
بيمد إيده
واللى
يفيده طوق نجاه
بحر بيغــّرق مليان ديابه
جوه غابه وضلمه فيها خبايا
نفس المرايه والحكايه
إن راسنا
آيله للسقوط
بعد الأساس
اللى ملهوش أساس
والضهر بسوط مضروب
ومتعرى
والضغوط عمال تزيد
لو حديد
قلب البشر كان م الحب داب
وصوت فى وسط الزحمه
بينده إنت مين
؟
جريح ولا ّ جارح
معايه
ولا ّ سارح
كمّــل معايه لو معايه
مش كتير
عدّ واحد اتنين تلاته
السما والأرض واحد
بيجمّعونا
شيل العلامه
فى القيامه الكل واقف
قدام
رب واحد
نجمع ولا نطرح ولا نساوى
(+,-,=)
بالتساوى الكل واخد
حقه وربه
واحد
سهم بيطلع لفوق
لو تفوق
↑
عـــِد ّ واحد 2 3
فى
التلاته قصه محيرانى
ومحيره كل العقول
لو تقول
الرب واحد
إمبارح والنهارده
من سنين
كلمه تبقى واقع !!!
من دهر الدهور ويا قوه متداريه
ذى رابط أو علامه
واللى بيه مش مصدق
؟؟؟
!!!
الإله ياكل ويشرب ويا مسمار وحربه
جوا جسمه ويموت كمان
مش مصدق !!!
إتنين وواحد يبقى واحد
؟؟؟
!!!
2و1يبقى 1
مش مصدق؟؟؟
بس فوق وبُص فوق
راح تفوق
وتلاقى يده ممدودا لك
جه عشانك والحكايه
راح يحكيهالك
لو تفوق
عـــِد ّ واحد إتنين تلاته
بالتلاته تمشىّ (تطلق) مراتك
تقتل حماتك
وتعيش اللى فاتك
و
بالتلاته تحلف بربك (بإلاله)
وإنت لاه
ونغسل إيدينا واللى لينا
نسأل سؤال
يووووه
ملهاش إجابه
وده عيب وما يصحش
ندخل حوارى
وسرداب طويل
وحبالنا مقطوعه م الضمير
بس واحد يصنع عجايب
إسال سؤال
راح يجيب ويجاوب عليك
لو عليك إبدأ معايه
الحكايه
واحد إتنين تلاته
والتلاته هما واحد
!!!
الإجابه
!!!
شاعر الصعيد
أيمن وهبة
Afw
لست أنكر
ولكن هذا
ما يقوله الأخرون
وهى مجرد ترجمه للى فى القلوب
والذين لا يصدقون
؟
؟
!
ليست هناك تعليقات:
إرسال تعليق