نفاق وشهيد ودم /أيمن وهبة

 

شاعر الصعيد
أيمن وهبة 
Afw
25/1/2011
صرخه ويا فرحه جوا بيت مليان أمل 
ذكرى الشهداء والدماء التى سفكت وسالت على أرض بلادى 
ذكرى عطره طيبه ولكى نُبقىها ونبكيها 
لابد من الإستمرار فى مواجهة العقول الخاويه
لابد ان نتمرد على الجهل وعلى الإنغلاق 
لابد ان ننتمى الى وطنيتنا إلى جسدروى من ظمأ الأيام 
من ثدى أمه
فلماذا نحرق كل جسور المعرفه ؟
والتقدم إلى الغد خطوه 
إلى مستقبل نبحث عنه إلى الأمان والحب والدفىء بنار القلوب المتوهجه بدلاً من نيران البارود
جذور لها الآف السنين 
الآصاله والقياده
وحب البلاد حتى نصل الى شاطىء الحريه 
وأقول للمره الألف ان الحريه هى التحرر من الشهوات والخطيه وليس الحريه كما فى منطوقنا فعل المنكر والخطيئه
لا تصدق كل ما يُقال ولكن صدق بعض ما تراه بعينيك 
اللتان فى أم رأسك فلا يصلح الإنابه عنك
     
ملعون اللى يقتل ولادى
على الحدود
فى الصحارى بحث جارى
وبيسجل بلاوى
يا اللى ناوى تدوسنى تانى
ملعون ابوك
لما تضرب بالبارود
والقتل شوطه صايبه اهلى
وصوتها يعلى ويسود
ملعون ابوك
واللى جابك
واللى ايده تمسك فى ايدك
لو يسيبك ولاّ يصيبك 
جوا زنزانة عقول 
لو يطول 
قلب أخوه يأكله ويدوس 
وقدام الناس يبوس 
لو يسوس 
الرب شايف 
من سماه وعلينا خايف ويضلل جناحه 
    
الرب شايف
دم الولاد
شهيد روحه بتعلى فى سماه 
وصوته يعلى
من خيانه من علامه شاهده عليه
ليوم القيامه
عليا وعليك
اللى ليا واللى ليك
مبروك عليك
عبى فى جيوبك
إملا توبك
لو يفيدك
عند ربك
عبى تانى
فى ثوانى ها تلاقى موت
بيقولك أهلا
تعالى فوت
    
ملعون أبوك
واللى جابك واللى يده ما سكه
فيك
واللى مكوش
واللى يغلوش
ويزيف حقايق
أيام ساعات دقايق
سكران وفايق
جوا تحرير
جوا سور الازبكيه
ولا يعنى
فى العباسيه
مقسومين
متفرقين
شريعه تحكم
وهى الاساس
وناس
تقول مرجعيه
وعم سام وعم يافث
ملهوش منافس
فى السلام حقوق كمان
تحمى البشر والإنسانيه 
فى المحلى والعالميه 
وقانون يسود ع الصغير والكبير 
لو إسود 
يأخد حقوقنا والعدل واحده بتغمى عنيها 
ولاّ عنيّه
والكل متساوى 
فى الإنسانيه والميزان 
عدل وحرام
لو عامل 
إمام 
    
ملعون اللى يقبض اى شيء
ويبيع بلاده
ملعون اللى جابه
واللى ايده تقتل كمان
بعد ما ادونا الأمان
هدم فى كنايس
واللى سايس عامل برىء
عامل ملاك
و البلاد مشيت خلاص للهلاك
اجساد ولادى متنتورين (متبعثرين )
فى الشوارع والميدان
قدام مبنى عالى بيقولوا
السلام
ورمز عالى 
لصوت حقيقه لو يبان حتى دقيقه 
ملهوش أمان 
يقبض وياخد
ويزيف حقايق
ملعون ابوه واللى جابه اللى بايع حق الولاد
حق البلاد
والعدل
باسط عدله علينا ومرّيح ولاده
فى المقابر
والكل قال دا راجل عدل وسلام
وكمان إمام
وله طريقه
فى السريع تنهى الحكايه
وماما سوسو
زقت عيالها وكمان جمال
فى الفضيحه 
ويا عز
فى الهلاك بيقولوا إنه ملاك
تعبانه خالص فى المخالص فى القرايه
والثقافه
والفروض الربانيه
باين عليها
التواضع
رمز الأمومه والسلام
والأبله هانم عامله هانم فى المغانم 
تشهد عليها فى التاريخ 
ست كامله 
وع الربابه تشعر تغنى وتقسم دروس 
تأخد فلوس وتذيد النفاق 
والوفاق بكلام كدب ماسخ 
    
ملعون ابوه واللى جابه اللى سارق حق
الولاد
فى البلاد
و 
اللى مالى 
كمان جيوبه من دم الولاد
جهل ساد
وعبى البنوك
أمك او ابوك
او صغّير
ها يعمل ايه
وسط الملوك
    
شاعر الصعيد
أيمن وهبة 
Afw