كلمات لوطنى الذى تخلى عنا ولا اجد كلمة صدق ممن سلبوه
فالكذب منهج والتلذذ فى دمائهم فليس ملجأ إلا اللة
شا عر الصعيد ايمن وهبة
تايه وسط الزحمة
ودماغنا بتضرب لخمه
ولاعارفين
احنا ياعالم بنى أدمين
دم ولحم متساوين
بنينا تاريخنا
رسمنا العقل قبل الدين
بس العقل يوصل ويا الدين
تعالى وقولى تتطلع مين؟
فى طريقك تمشى وبلاش السكين
مصر بلد اجدادى
وكمان احفادى
ليوم الدين
هو الدين بيقولك اسرق واقتل
ولا الدين سلام ومحبة
ابيض واسود متساوين
سيبك بقى واتفاهم
بلا ش القتل بأسم الدين
طمعان فى غنيمه
ولا فى جنة
هوالدين بيقولك
أشرب دم أخوك
وأقتل طفل ينادى أبوه
ولا يدور ع الأغصان
محبة ويا سلام
احنا ياعالم
بنى أدمين
لية الرحمة منزوعه
ومفيش غير الشوك رافع راسه
وحداية بتصرخ
وببان مقفوله
ع البنى أدمين
أحنا ياعالم بنى أدمين
الهنا واحد مش ثلاثين
الهنا واقف
جوانا سامعنا
أحضانه بتظللنا من ابليس
واقف راسم لينا الابديه
ويقول دايما وياكم
وحياتى معاكم عطية
زارع جوانا محبه
ووصانا عليكوا وصية
مهما قسيتم ولا نسيتم
ولا قتلتوا مننا الافات
مش راح نكره او ها نرد عليكم
بنفس السكين
الدين مش ذل وعبودية
الدين يعنى الحرية
من ابليس
من شر خسيس
والحرية معناها سلام
من جوة نابعة
ومش محتاجة كلام
ليست هناك تعليقات:
إرسال تعليق